ނަމަވެސް މޭކްމައިޓްރިޕްގެ ދާދި ފަހުން ނެރުނު ރިޕޯޓަކުން ދައްކާ ގޮތުގައި ތައިލެންޑުން މިހާރު ރާއްޖެ ފަހަތަށް ޖައްސާލާފައި ވަނީ ދަތުރުފަތުރުގެ ތަރުހީބު ބަދަލުވާ ކަމުގެ އިޝާރާތެކެވެ. "ހައު އިންޑިއާ ޓްރެވަލްސް ފޯ ހަނީމޫން" ގެ ނަމުގައި އެކުލަވާލި މި ރިޕޯޓުގައި 2023 ވަނަ އަހަރުގެ އޮކްޓޯބަރު މަހުން ފެށިގެން 2024 ވަނަ އަހަރުގެ ސެޕްޓެމްބަރު މަހުގެ ނިޔަލަށް ބުކިން ޑޭޓާތައް ނަގާފައިވާއިރު ތައިލެންޑަށް ބުކިން 5.2 ޕަސެންޓް އިތުރުވެފައިވާ އިރު، ރާއްޖެ ވަނީ 16.2 ޕަސެންޓް ދަށަށް ގޮސްފަ އެވެ.

އިންޑިއާގެ ހަނީމޫން ކުރާ މީހުންގެ މެދުގައި ވެސް މަގުބޫލުކަން ހޯދަމުން އަންނަ ބައިނަލްއަގުވާމީ އެހެން މަންޒިލްތަކަށް ވެސް މި ރިޕޯޓުގައި އަލިއަޅުވާލާފައިވެ އެވެ. އެގޮތުން އިންޑޮނޭޝިއާ، މޮރިޝަސް އަދި ވިއެޓްނާމުން ވެސް ބުކިންތައް އިތުރުވެފައިވާކަން ދޭހަވަނީ އާންމުކޮށް ބޭނުންކުރާ ގޮތްތަކަށް ވުރެ ތަފާތު ތަންތަނަށް ޝައުގުވެރިކަން އިތުރުވަމުން އަންނަ ކަމެވެ. ތައިލޭންޑުގެ ހިތްގައިމުކަން އިތުރުވަނީ ރީތި ގޮނޑުދޮށްތަކާއި މުއްސަނދި ސަގާފީ ތަޖުރިބާތަކާއި އަގުހެޔޮ އަދި ލަގްޒަރީ ހިދުމަތް އެއްކޮށްލުމުން ހިތްހަމަޖެހުމާއި އެޑްވެންޗާ އަށް އެދޭ ދެމަފިރިންނަށް ހިތްގައިމު ޗޮއިސްއަކަށް ވެކެވެ.

ހަނީމޫން ދަތުރުތަކުގައި މިހާރުގެ ޖެނެރޭޝަނަނަށް ކަމުދާ ޓްރެންޑަކީ އިތުރު އިމަރސިވް އެކްސްޕީރިއެންސްތަކަކަށް ވާތީ ދިގު ދަތުރުތަކަށް އިސްކަން ދޭކަން މި ރިޕޯޓުން ހާމަވެއެވެ. މޭކްމައިޓްރިޕްގެ ރިޕޯޓުގައިވާ ގޮތުން ބައިނަލްއަގްވާމީ ހަނީމޫނަށް ދާ މީހުންގެ ތެރެއިން 42 ޕަސެންޓް މީހުން މިހާރު ފަސް ދުވަހަށް ވުރެ ދިގު މުއްދަތަކަށް ކުރާ ދަތުރުތައް ބުކް ކުރެ އެވެ. ދެމަފިރިން ހަނީމޫން އަކީ ހަޔާތުގައި އެއްފަހަރު ކުރާ ދަތުރަކަށް ހެދުމަށް ދެމަފިރިން މަސައްކަތް ކުރާތީ، ބައިނަލްއަގްވާމީ އަދި އެތެރޭގެ ދަތުރުފަތުރުގެ ވައްޓަފާޅިތަކުން ވެސް މި ދިގު ދަތުރުތަކަށް މި ޝައުގުވެރިކަން ފާޅުވެ އެވެ.

މޭކްމައިޓްރިޕްގެ ކޯ ފައުންޑާ އަދި ގްރޫޕް ސީއީއޯ ރާޖޭޝް މަގޯ ވަނީ ހަނީމޫން ދަތުރުތަކުގައި ބަދަލުވަމުންދާ ޑައިނަމިކްސްއާ ބެހޭ ގޮތުން ވާހަކަ ދައްކަވައި، ޕާސަނަލައިޒްޑް އަދި ލަގްޒަރީ ފޯކަސްޑް އޮޕްޝަންތަކަށް އޮތް ޑިމާންޑް އިތުރުވަމުންދާކަން ފާހަގަކުރައްވާފައެވެ. އެގޮތުން ދެމަފިރިންނަށް ޓެއިލަރ-މޭޑް ޓްރެވަލް އެކްސްޕީރިއަންސް ފޯރުކޮށްދިނުމަށް އެކުންފުނިން ކުރާ މަސައްކަތުގެ މައްޗަށް އަލިއަޅުއްވާލައްވައި، ތަފާތު އަދި ކަސްޓަމައިޒްކުރެވޭ ޗުއްޓީތަކަށް ދިއުމުގެ ޓްރެންޑް ދައްކުވައިދެއެވެ.

"އަޅުގަނޑުމެންނަށް މި ފެންނަނީ ހިތްހަމަޖެހުމާއި ސަގާފަތާއި އެޑްވެންޗާ އެއްކޮށްލެވޭ ކިއުރޭޓެޑް އެކްސްޕީރިއަންސްތަކަށް ޝައުގުވެރިކަން އިތުރުވަމުން އަންނަތަން،" ރާޖޭޝް މަގޯ ވިދާޅުވި އެވެ.

އިންޑިއާއިން ހަނީމޫނަށް ހާއްސަ ބުކިންތައް މަދުވި ނަމަވެސް، ދުނިޔޭގެ ފަތުރުވެރިކަމުގެ ދާއިރާގައި ރާއްޖެ އަކީ މުހިންމު ދައުރެއް އަދާކުރާ ގައުމެކެވެ.

ރާއްޖޭގެ ފަތުރުވެރިކަމުގެ ދާއިރާއިން މިއަހަރުވެސް ވަނީ ބޮޑެތި ކުރިއެރުންތަކެއް ހޯދާފައެވެ. މީގެ ތެރޭގައި މިހާތަނަށް ބައިނަލްއަގްވާމީ ފެންވަރުގައި އެންމެ ގިނަ އަދަދަކަށް ޒިޔާރަތްކުރި މީހުންނަށް މަރުހަބާ ކިޔުމާއި ލަގްޒަރީ ރިސޯޓްތަކާއި ދެމެހެއްޓެނިވި ފަތުރުވެރިކަމުގެ އާދަތަކުގެ އަގުވަޒަންކޮށް ޝަރަފުވެރި އެވޯޑްތަކެއް ހާސިލްކުރުން ހިމެނެއެވެ.

މީގެ އިތުރުން، ތިމާވެއްޓަށް ހޭލުންތެރި ރިސޯޓްތަކާއި، ކަނޑުގެ ދިރުންތައް ހިމާޔަތްކުރުމަށް ކުރާ މަސައްކަތްތަކުގެ ސަބަބުން ދުނިޔޭގެ އެކި ކަންކޮޅުތަކުގައި ރާއްޖެ ފާހަގަކުރެވިފައިވާއިރު، ހަނީމޫނަށް ދާ މީހުންނާއި ލަގްޒަރީ ދަތުރުވެރިންގެ އެންމެ މަތީ މަންޒިލެއްގެ ގޮތުގައި ރާއްޖެ އަދިވެސް ފާހަގަކޮށްލެވެއެވެ.