ބޭންކް އޮފް މޯލްޑިވްސް (ބީއެމްއެލް) އިން ހއ. އަތޮޅަށް ގެސްޓް ހައުސް ފައިނޭންސިން ޕްރޮޑަކްޓް ތައާރަފްކޮށްފިއެވެ.

Advertisement

Advertisement

އިއްޔެ ހއ.ފިއްލަދޫގައި ބޭއްވި ރަސްމިއްޔާތެއްގައި ވާހަކަދައްކަވަމުން ބީއެމްއެލްގެ ސީއީއޯ އަދި އެމްޑީ މުހައްމަދު ޝަރީފް ވިދާޅުވީ ހއ. އަތޮޅުގައި ގެސްޓްހައުސް ފައިނޭންސިން ތައާރަފްކުރުމަކީ ދިވެހިންގެ ވިޔަފާރިތަކަށް ބާރުވެރިކަން ހޯދައިދީ އިގުތިސާދީ ކުރިއެރުން އިތުރުކޮށްދިނުމަށް ބޭންކުން އަދާކުރާ ދައުރުގެ ރަމްޒެއްކަމަށެވެ. 

’މާލީ ހައްލުތައް ފަސޭހައިން ލިބޭނެ އިންތިޒާމުތައް ހަމަޖައްސައިދީ، އަޅުގަނޑުމެންގެ މަގުސަދަކީ ފަތުރުވެރިކަމުގެ ދާއިރާ ތަރައްގީ ކުރުމަށާއި، އާ ފުރުސަތުތައް އުފެއްދުމަށާއި، މަ އަތޮޅުގައި ދެމެހެއްޓެނިވި ކުރިއެރުން ހޯދުމަށް ވިޔަފާރިވެރިންނަށް އެހީތެރިވުން،‘ ޝަރީފް ވިދާޅުވިއެވެ. 

ބީއެމްއެލްއިން ވަނީ ގެސްޓްހައުސް ފައިނޭންސިން ޕްރޮޑަކްޓްގެ ތެރެއިން ގިނަ ފަރާތްތަކަށް ފަސޭހައިން ފައިނޭންސިން ލިބޭނެހެން ބަދަލުތަކެއް ގެނެސްފައެވެ. އެގޮތުން ފައިނޭންސިންއަށް ހުށަހަޅާ ގެސްޓްހައުސް ރަހުނުގެ ގޮތުގައި ހުށަހެޅޭނެ ގޮތް ބޭންކުން ވަނީ ހަމަޖައްސާފައެވެ. 

އިއްޔެ ބޭންކް އޮފް މޯލްޑިވްސް އިން ވަނީ ހއ. އަތޮޅުގެ ހަތް ރަށެއްގައި އޭޓީއެމް ހުޅޫވާ އެއަތޮޅުގެ ހުރިހާ ރަށެއްގައި އޭޓީއެމް ހިދުމަތް ދޭން ފަށާފައެވެ.