މަސްތުވާތަކެތި ބޭނުންކުރާ މީހުންނަށް ފަރުވާދޭ މަރުކަޒުތަކުގައި ޑިމާންޑް އޮތް މިންވަރަށް އެކަށީގެންވާ ޖާގަ ނެތް ކަމަށް ނެޝަނަލް ޑްރަގް އެޖެންސީއިން (އެންޑީއޭ) ބުނެފިއެވެ.
އެންޑީއޭގެ އެކްޓިން ސީއީއޯ މުހައްމަދު ރާޝިދު ވިދާޅުވީ މިހާރު ހުރި މަރުކަޒުތަކުގައި ހުރީ ޖުމްލަ 200 މީހުންނަށް ފަރުވާދެވޭނެ ޖާގަ ކަމަށެވެ. އެހެންނަމަވެސް ފަރުވާ ބޭނުންވާ އެތައް ބަޔަކު މުޖުތައުގައި އެބަތިބި ކަމަށާއި މިހާރު އިތުރު 500 މީހުންނަށް ޖާގަ އިތުރުކުރަން މަސައްކަތް ކުރަމުންދާކަމަށް އޭނާ ވިދާޅުވިއެވެ.
1997 ވަނަ އަހަރު ހިންމަފުށީގައި ހުޅުވި ޑްރަގް ޓްރީޓްމަންޓް އެން ރިހެބިލިޓޭޝަން ސެންޓަރުގައި ފާއިތުވި 28 އަހަރު މަރާމާތުކުރުމާއި ޖާގަ އިތުރުކޮށް ތަނުގެ ފެންވަރު ރަނގަޅު ކުރުމަށް މަސައްކަތެއް ކޮށްފައިނުވާކަން އޭނާ ފާހަގަކުރެއްވިއެވެ.
އަދި މިހާރު ހޯމް މިނިސްޓްރީގެ ބަޖެޓުގެ ތެރެއިން މިކަންކަން ރަނގަޅު ކުރުމަށް ވަރަށް ގިނަ މަސައްކަތްތަކެއް ކުރަމުން އަންނަކަމަށް ވިދާޅުވިއެވެ.
ރާޝިދު ވިދާޅުވި ގޮތުގައި އިތުރުކުރާ 500 ޖާގައިގެ ތެރެއިން 50 ޖާގަ ހާއްސަކުރާނީ ޑުއަލް ޑައިގްނޯސިސް ނުވަތަ ހާއްސަ އެހީއަށް ބޭނުންވާ ކުދިންނަށެވެ.
ފޮނުވާ