ބޭނުންހާ އެއްޗެއް މީހުންނާ ދިމާލަށް ކިޔުމަކީ ހިޔާލު ފާޅުކުރުމުގެ މިނިވަންކަން ނޫންކަމަށާއި ހިޔާލު ފާޅުކުރުމުގައިވެސް ހުދޫދުތަކެއް ވާކަން ހަނދާންކުރަންޖެހޭ ކަމަށް ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ.

Advertisement

Advertisement

ރޭ ހާފިޒުން ދަސްވެނިވުމަށް ބޭއްވި ޖަލްސާގައި ވާހަަކަފުޅު ދައްކަވަމުން ރައީސް ވިދާޅުވީ ސިޔާސީ ހިޔާލު ތަފާތުވުމާ ވާދަވެރިކަމާއެކީ ގޮސް މީހުންގެ އަބުރާއި އިންސާނީ ކަރާމާތައް އަރައިގަންނަކަމަށެވެ. 

އެއީ ގުރުއާނުން އަހަރެމެންނަށް ދަސްކޮށްދޭ ގޮތެއް ނޫންކަމަށާއި ގުރުއާނަށް އަމަލުކޮށްގެން ނޫނީ ގެއްލިގެންދާ ކަރާމަތް އަނބުރާ ނުލިބޭނެކަމަށް ރައީސް ވިދާޅުވިއެވެ. 

އަދި ދިވެހި މުޖުތަމައު ރަނގަޅުވެގެންދާނީ ތިމާ ފަދައިން އަނެކާއަކީވެސް ކަރާމާތްތެރި މީހެއްކަމަށް ރައްޔިތުން ގަބޫލުކުރެވުނު ދުވަހަކުން ކަމަށާއި އެކަން ގުރުއާނުގައި ބަޔާންވެފައިވާކަމަށްވެސް އެމަނިކުފާނު ވިދާޅުވިއެވެ. 

ރަައީސް ވިދާޅުވީ ގުރުއާނުގައި ނަހީ ކުރައްވާފައިވާ ހުރިހާ ކަމެއް ދިވެހިންގެ ތެރޭގައި އެބައޮތްކަމަށެވެ. 

’އަޅުގަނޑުމެން އެކަކު އަނެކަކުގެ އަބުރަށް އަރައިގަންނަނީ. ދެބައޮޑުވަނީ. ނެތިމޮށެނީ. ދޮގު ވާހަކަތައް އިންތިހާއަށް ފަތުރަނީ. މިހެންގޮސް އަޅުގަނޑުމެންގެ ތެރޭގައި ނެތްކަމެއް ނެތް،‘ ރައީސް ވިދާޅުވިއެވެ. 

’ތިމަންނަ މަތިވެފައި، އަނެއް މީހާ ދަށްކޮށްލާފަ، ތިމަންނަ ބޭނުންވާހާ އެއްޗެއް އަނެއް މީހާއާ ދިމާއަށް ބުނުމުގެ ހައްގަކީ ހިޔާލު ފާޅުކުރުމުގެ މިނިވަންކަމެއް ނޫން. ހައްގުތަކާ އެކީގައި އޭގެ ހުދޫދުތައް ވެސް އޮވޭ. ރައިޓްސްއާ އެކީ ލިމިޓޭޝަންސް އޮވޭ. އެހެންނޫނީ އިންސާނީ މުޖުތަމައުއެއް ހެޔޮ ގޮތުގައި ކުރިއަށް ނުދާނެ.‘