ރައްޔިތުންނާ ގުޅުން ބަދަހިކޮށް، އެ މީހުންގެ ސުވާލުތަކަށް ޖަވާބު ދިނުމުގެ މަގްސަދުގަ ރައީސް ޑރ. މުހައްމަދު މުއިއްޒު "ރައްޔިތުންނާ އެކު" ގެ ނަމުގައި އާ ޕޮޑްކާސްޓް ސިލްސިލާއެއް މިއަދު ފަށާނެކަމަށް ރައީސް އޮފީހުން އިއުލާކޮށްފި އެވެ.

Advertisement

Advertisement

ރައީސް އޮފީހުން ބުނީ ޕޮޑްކާސްޓްގެ ފުރަތަމަ އެޕިސޯޑް މިއަދު މެންދުރު ފަހު 1:00 ގައި ރައީސް އޮފީހުގެ ރަސްމީ ސޯޝަލް މީޑިއާ ޕްލެޓްފޯމްތަކުގައި ނެރުމަށް ހަމަޖެހިފައިވާ ކަމަށެވެ.


ޓެލެވިޝަން މޯލްޑިވްސް (ޓީވީއެމް)ގެ ކުރީގެ މަޝްހޫރު ޕްރެޒެންޓަރު އަހުމަދު ޝަކީބު ހޯސްޓްކުރާ މި ޕޮޑްކާސްޓް ވެގެންދާނީ ގައުމީ ކަންކަމުގައި ވާހަކަ ދެއްކުމާއި އަޕްޑޭޓްތައް ހިއްސާކުރުމާއި އާންމުންގެ ހިޔާލުތަކަށް އިޖާބަ ދިނުމުގެ ޕްލެޓްފޯމަކަށެވެ.

ޕޮޑްކާސްޓް ތައާރަފްކުރުމަކީ ރައީސް މުއިއްޒު ރައްޔިތުންނާ ގުޅި، ވެރިކަން ހިންގުމުގައި ދެފުށް ފެންނަ ގޮތަށް ކުރިއެރުވުމަށް ކުރައްވަމުން ގެންދަވާ މަސައްކަތުގެ ދަށުން ކުރިއަށް ގެންދާ ޕޮޑްކާސްޓެކެވެ. ރައީސް އޮފީހުން ބުނީ މި މަސައްކަތުން ދައްކުވައިދެނީ ރައީސް "ރައްޔިތުންނާ ވީހާވެސް ގާތުން މަސައްކަތް ކުރެއްވުމަށް" ބޭނުންފުޅުވާ ކަން ކަމަށެވެ.

ޕޮޑްކާސްޓްގެ އިތުރުން ރައީސް ގެ "ރައީސްގެ ޖަވާބު" ވީޑިއޯ ސިލްސިލާވެސް އަލުން ފައްޓަވަން ތައްޔާރުވެފައިވާއިރު، އެ ސިލްސިލާގައި ސީދާ ރައްޔިތުން ހުށަހަޅުއްވާ ސުވާލުތަކަށް ޖަވާބު ދެއްވާނެ އެވެ. އެގޮތުން އާންމުންނަށް ވީޑިއޯ މެދުވެރިކޮށް ސުވާލު ފޮނުވުމުގެ ފުރުސަތު ވަނީ މިމަހު 18 ވަނަ ދުވަހު ހުޅުވާލާފަ އެވެ.

މި ދެ ޕްރޮގްރާމެގެ އަމާޒަކީ ސަރުކާރާއި ރައްޔިތުންނާ ދެމެދު މުވާސަލާތީ ގުޅުން ބަދަހިކޮށް، ހުޅުވާލެވިފައިވާ މަޝްވަރާތަކާއި އާންމުން ޖަވާބުދާރީ ކުރުވުމުގެ ޕްލެޓްފޯމްތައް ފަހިކޮށްދިނުމެވެ.