މެދުއިރުމަތީގެ މަޝްހޫރު ކޮންޓެންޓް ކްރިއޭޓަރު ޚާލިދު އަލް އަމެރީ ދާދި ފަހުން ވަނީ ހާއްސަ ދަތުރެއްގައި ރާއްޖެ އައިސްފަ އެވެ. ގައުމާއި ރައްޔިތުންނާއި ސަގާފަތާ ބެހޭ ގޮތުން އޭނާއަށް އެގުނީ ރާއްޖެއަކީ ޓިކްޓޮކްތަކާއި އިންސްޓްރާމްފަދަ ޕްލެޓްފޯމްތުން ފެންނަ މަަންޒަރުތަކަށްވުރެ އިތުރުންވެސް އެތައް ގިނަ ރީތި ހިސާބުތަކާއި، ސަގާފަތްތަކުން ފުރިގެންވާ ގައުމެއް ކަމެވެ.

ޚާލިދުގެ މި ދަތުރަކީ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން އިންތިޒާމްކުރި ދަތުރެކެވެ. އަމާޒަކީ ޚާލިދަށް ދިވެހިންގެ ހަގީގީ ދިރިއުޅުން ދައްކައި، ތަފާތުގޮތަކަށް ފޭސްބުކް، އިންސްޓަގްރާމް އަދި ޔޫޓިއުބް މެދުވެރިކޮށް އޭނާގެ 21 މިލިއަން ފޮލޯވަރުންނާ ރާއްޖެ އިޝްތިހާރުކުރު މެވެ. އަދި ހާއްސަކޮށް އޭނާގެ މެދުއިރުމަތީގެ ފޮލޮވަރުންނަށް ޒިޔާރަތްކުރަން ރަނގަޅު ތަނެއްގެ ގޮތުގައި ރާއްޖެ އިޝްތިހާރު ކުރުމެވެ.

ޚާލިދު ރާއްޖޭގައި އެއް ހަފުތާ ހޭދަކުރިއިރު މި ޒިޔާރަތުގައި އޭނާ ވަނީ ފެނުނު މަންޒަރުތައް ދައްކުވައިދޭ ފޮޓޯތަކާއި ކުރު މެސެޖްތައް ހިއްސާކޮށްފަ އެވެ. އަދި ދިވެހިންގެ ހަގީގީ ދިރިއުޅުން ބަލާލުމުގެ ފުރުސަތު ދެއްވި ކަމަށްޓަކައި ވިޒިޓް މޯލްޑިވްސް އަށް ޝުކުރު އަދާކުރެއްވި އެވެ.
"ރިސޯޓްތަކާއި ރީލްތަކުގެ ބޭރުން... އަޅުގަނޑަށް ފެނުނީ ޙަޤީޤީ ދިވެހިރާއްޖެ، އަލްހަމްދުލިالله"
ޚާލިދު ކުރި ޕޯސްޓްގައި ފާހަގަކުރި އެވެ.
ޚާލިދުގެ މި ދަތުރުގައި މާލޭގައި ވަގުތު ހޭދަކުރެއްވުމުގެ އިތުރުން ރަށްރަށަށް ވެސް ޒިޔާރަތް ކުރި އެވެ. ކިންގް ސަލްމާން މިސްކިތުގައި ނަމާދުކޮށް، ސުނާމީ ބިނާއަށް ޒިޔާރަތްކޮށް، ދިވެހީން ދިރިއުޅޭ ތަންތަންވެސް ބަލާލިއެވެ. އަދި އެއާއިއެކު ދިވެހިންގެ ސުފުރާމަތިން ރޯދަ ވީއްލާ ދިވެހީންނާއި އެކު ދިވެހިންގެ ދުފާ ތަބަކުން ދުފުމުގައި ޖޯލިފަތީގައި ސަކަރާތް ޖަހާ މަންޒަރުވެސް ހާލިދު ވަނީ އޭނާގެ ފޮލޯވަރުންނާ ހިއްސާކޮށްފައި ވެއެވެ.

މީގެއިތުރުން ދިވެހިންގެ ރީތި ބިނާތަކާއި ރާއްޖޭގެ ގުދުރަތީ ރީތިކަމާއި ދިވެހިންގެ ސަގާފީ ހެދުންތައްވެސް ހާލިދު ވަނީ ދައްކާލާފައެވެ. އޭގެތެރޭގައި ފޮށާ އަޅާ ފޭއްޔެއް އަނދެގެން އިދެ ކުޅި އެއްގައި ކުޑަ ބޮއްކުރައެއް އޭނާ ދުއްވާ ހިތްގަމު މަންޒަރުވެސް ހިމެނެއެވެ.
މިހާތަނަށް ޚާލިދު ހިއްސާކޮށްފައި ވަނީ މަދު ފޮޓޯތަކަކާއި ކުރު ޕޯސްޓުތަކެކެވެ. ނަމަވެސް އޭނާ ވަރަށް އަވަހަށް އިތުރު ވީޑިއޯތަކާއި ރީލްތައް ހިއްސާކުރާނެ ކަމަށް ބެލެވޭ އިރު، އޭގެ ސަބަބުން ރިސޯޓްތަކުން ބޭރުން ރާއްޖެއާ ބެހޭ ގޮތުން ދުނިޔޭގެ އެކި ކަންކޮޅުތަކުގެ މީހުންނަށް އިތުރު މައުލޫމާތު ލިބިގެންދާނެ އެވެ.

މި ދަތުރަކީ ރާއްޖެއަކީ ހަމައެކަނި ލަގްޒަރީ މަންޒިލެއް ނޫން ކަމަށާއި އާދަކާދައާއި ސަގާފަތާއި އޯގާތެރި މީހުން ފުރިފައިވާ ތަނެއްކަން ދެއްކުމަށް އެމްއެމްޕީއާރުސީން ރާވާފައިވާ ދަތުރެއް ކަމަށެވެ. ޚާލިދުގެ ދަތުރުފުޅުން އެނގެނީ ރާއްޖެއަކީ ހަގީގީ ޖަޒީރާ ދިރިއުޅުމާއި ވާހަކަތައް ތަޖުރިބާކުރަން ހާއްސަ ތަނެއް ކަމެވެ.
ފޮނުވާ