ރާއްޖެ އާއި ރާއްޖެއިން ބޭރުން މަތީ ތައުލީމު ހާސިލުކުރަން ސަރުކާރުން ދޫކުރާ ލޯނު ސްކީމަށް އެދި ހުށަހެޅުމުގެ ފުރުސަތު ހަޔާ އެޑިއުކޭޝަން މިނިސްޓްރީން މިއަދު ހުޅުވާލައިފި އެވެ. މި ލޯނުތަކަކީ ކިޔެވުން ފުރިހަމަކުރުމަށް އިތުރު ފައިސާ ބޭނުންވާ އަލަށް ކިޔަވާ ދަރިވަރުންނަށާއި މިހާރު ކިޔަވާ ދަރިވަރުންނަށް ވެސް ދޫކުރާ ލޯނެކެވެ.
Advertisement
އެ މިނިސްޓްރީން ބުނީ މި މަގާމަށް ކުރިމަތިލުމުގެ ފުރުސަތު މިމަހުގެ 30 ވަނަ ދުވަހުގެ ނިޔަލަށް ހުޅުވާލާފައިވާ ކަމަށެވެ.
ލޯނަށް އެދި ހުށަހެޅޭނީ ދެ ވައްތަރެއްގެ ފަރާތްތަކަށެވެ. އެއީ އަލަށް ކިޔަވަން ފަށާ ދަރިވަރުންނާއި މިހާރު ކިޔަވަމުން އަންނަ ދަރިވަރުން (ޓޮޕްއަޕް ލޯން) އެވެ.
ޓޮޕްއަޕް ލޯނުގެ އަދަދު ހަތް ލައްކަ ރުފިޔާއާ ހަމައަށް، ދަރިވަރުގެ ބޭނުންތަކަށް ދެވޭނެ އެވެ. މި ސަޕޯޓަކީ އެކުދިންގެ ކޮންޓްރޯލުން ބޭރުގެ ސަބަބުތަކާ ހުރެ ކިޔެވުން ނިންމާނުލެވުނު ނުވަތަ ކޯހާ ގުޅޭ އިންޓާންޝިޕެއް ނުވަތަ ތަމްރީނަކަށް މާލީ އެހީތެރިކަން ބޭނުންވާ ދަރިވަރުންނަށެވެ.
ރައީސް ޑރ. މުޙައްމަދު މުޢިއްޒު ވިދާޅުވީ ލޯނު އަނބުރާ ދެއްކުމުގައި ކުރިން ނަގަމުން އައި 1 އިންސައްތަ އިދާރީ ފީ އުނިކުރެވި، ލޯނު އަނބުރާ ދެއްކުމުގައި ދަރިވަރުންނަށް ލުއިފަސޭހަތަކެއް ލިބިގެންދާނެކަމަށެވެ.
އަދި ޝަރުތު ހަމަވާ ހުރިހާ ދަރިވަރުން ވެސް ސަރުކާރުގެ ރަސްމީ ޕޯޓަލް މެދުވެރިކޮށް މުއްދަތުގެ ކުރިން ފޯމު ހުށަހެޅުމަށް މިނިސްޓްރީން ބާރުއަޅައެވެ.
ފޮނުވާ