ކައުންސިލުން ބުނީ މާލެ، ހުޅުމާލެ އަދި ވިލިމާލޭގައި ހަވީރު 4:00 އިން ހަވީރު 6:00 އަށް ސައިކަލާއި ކާރު ހިމެނޭ ގޮތަށް ހުރިހާ އުޅަނދެއް ދުއްވުން މަނާވާނެ ކަމަށެވެ. މީގެ އިތުރުން ހަވީރު 4:00 އިން ރޭގަނޑު 11:30 އަށް ބަރު އުޅަނދުތައް ދުއްވުން މަނާވާނެ އެވެ.

މި ފިޔަވަޅުތައް އަޅަމުން ދަނީ މުޅި ސިޓީގައި ރާވާފައިވާ އީދު ހަރަކާތްތައް އާންމުންނަށް، ހާއްސަކޮށް ކުޑަކުދިންނަށް އުޅެވޭނެ ރައްކާތެރި މާހައުލެއް ގާއިމުކުރުމުގެ ގޮތުންނެވެ.

އެ އެންގުމާ ހިލާފުވާ ފަރާތްތަކާ މެދު ގާނޫނީ ފިޔަވަޅު އަޅާނެ ކަމުގެ އިންޒާރު ކަމާބެހޭ ފަރާތްތަކުން ވަނީ ދީފަ އެވެ.

މިމުނާސަބަތުގައި މާލޭ ސިޓީ ކައުންސިލުން ވަނީ މުޅި ސިޓީގައި ކުޅިވަރާއި ސަގާފީ ގިނަ ހަރަކާތްތަކެއް ކުރިއަށް ގެންދަން ވަނީ ނިންމާފަ އެވެ. މި ހަރަކާތްތައް ބާއްވަނީ މޯލްޑިވްސް ޕޮލިސް ސަރވިސް އާއި މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އަދި ސަރުކާރު ހިއްސާވާ ކުންފުނިތައް ގުޅިގެންނެވެ.