މާޗް 10 ވަނަ ދުވަހު ފުލުހުން ވަނީ ނ.މަނަދޫ، ރީހުއްސަބާ، އަބްދުالله ޝިހާދު ގެއްލިގެން ހޯދަން އިއުލާނުކޮށްފައެވެ. އޭނާގެ އާއިލާއާ ހަވާލާދީ ފުލުހުން ބުނެފައިވަނީ އޭނާއަކީ މާލޭގައި ދިރިއުޅޭ މީހެއްކަމަށެވެ. އަދި މާޗް 8 ވަނަ ދުވަހުން ފެށިގެން އާއިލާއަށް އޭނާގެ ހަބަރެއް ނުވާ ކަމަށާއި އޭނާގެ ފޯނަށްވެސް ނުގުޅޭ ކަަމަށް ފުލުހުން ބުންޏެވެ. 

އޭނާ ހައްޔަރުކޮށް ކޯޓަށް ހާޒިރުކޮށްފައިވަނި މިދިޔަ ހޮނިހިރު ދުވަހުއެވެ. ހޮނިހިރު ދުވަހު ނެރުނު ކޯޓު އަމުރުގައި ބުނެފައިވަނީ އޭނާގެ މައްޗަށް ރާއްޖެއަށް މަސްތުވާތަކެތި އެތެރެކުރުމާއި ވިޔަފާރި ކުރުމުގެ ކުށުގެ ތުހުމަތު ކުރެވޭ ކަމަށެވެ. މި މައްސަލައިގައި އޭނާގެ ބަންދަށް ކްރިމިނަލް ކޯޓުން ވަނީ 10 ދުވަސް ދީފައެވެ. 

އޭނާ ހައްޔަރުކޮށްފައިވަނީ ކޮންތަނަކުން ކަމެއް އަދި މަސްތުވާތަކެތި ރާއްޖެ އެތެރެކުރި ގޮތް ފުލުހުން ހާމައެއް ނުކުރެއެވެ.