މި މައްސަލައިގައި ޒަހަމްވެފައިވަނީ ރ.މަޑުއްވަރީ، ބީޗްހައުސް، މުހައްމަދު މުއީނުއެވެ. އޭނާ އަށް ރަށު ސިއްހީ މަރުކަޒުން ފަރުވާ ދިނުމަށްފަހު ރޭ ފަތިހު އިތުރު ފަރުވާއަށް އަނގޫފާރު ރީޖަނަލް ހޮސްޕިޓަލަށް ވަނީ ބަދަލުކޮށްފައެވެ. 

މައުލޫމާތު ލިބިފައިވާ ގޮތުގައި މުއީން އާއި އޭނާގެ ބޭބެ އިސްމާއިލް އާސިފްއާ ދެމެދު ޖެހިފައިވަނީ 20 ރުފިޔާއެއްގެ މައްސަލައެކެވެ. މި މައްސަލައިގައި އާސިފް މުއީނަށް ހަމަލާ ދީފައިވަނީ ކަތިވަޅިއަކުން ކަމަށާއި މުއީނުގެ ބޮލުން ދެތިން ތަން ޒަހަމްވެފައިވާކަމަށް މަންޒަރު ދުށް މީހަކު ބުނެއެވެ. 

މި މައްސަލައިގައި ހިމެނޭ އުމުރުން 36 އަހަރުގެ އާސިފް އަކީ މީގެ ކުރިން ލަނޑާ ނަގާ ދޯންޏެއްގައި ހިނގި ދެބަސްވުމެއްގެ ތެރެއިން މީހަކަށް ތޫނު އެއްޗަކުން ހަމަލާދިން މައްސަލައެއްގައިވެސް ހައްޔަރުކުރި މީހެކެވެ.