މިއަހަރު މިހާތަނަށް ޓްރެފިކް އެކްސިޑެންޓްގެ 762 މައްސަލަ ހުށަހަޅާފައިވާކަމަށް ދިވެހި ފުލުހުންގެ ތަފާސްހިސާބުތަކުން ދައްކައިފިއެވެ.

Advertisement

Advertisement

ފުލުހުންގެ ތަފާސްހިސާބުތަކުން ދައްކާގޮތުގައި މި އަހަރު މާޗް މަހު އެކަނިވެސް ޓްރެފިކް އެކްސިޑެންޓްތަކުގެ 233 މައްސަލަ ހުށަހަޅާފައިވެއެވެ. އަދި މާރިޗުމަހު ހުށަހަޅާފައިވާ މައްސަލަތަކަށް ބަލާއިރު އެންމެ ގިނައިން ހުށަހަޅާފައިވަނީ ވެސް ޓްރެފިކް އެކްސިޑެންޓްތަކުގެ މައްސަލައެވެ. 

މި ނިމިދިޔަ މާރިޗް މަހު ދެވަނަ އަށް އެންމެ ގިނައިން ފުލުހުންނަށް ހުށަހަޅާފައިވަނީ ވައްކަމުގެ މައްސަލަތަކެވެ. އެގޮތުން ވައްކަމުގެ 199 މައްސަލަ ހުށަހަޅާފައިވާކަން ފުލުހުންގެ ތަފާސްހިސާބުތަކުން ދައްކައެވެ.

މި ނިމުނު މާރިޗު މަހު ފުލުހުންގެ އިދާރާއަށް ހުށަހަޅާފައިވާ މައްސަލަތަކުގެ އަދަދު ދަށްވެފައިވާ ކަމަށް ވެސް ފުލުހުންގެ ތަފާސްހިސާބުތަކުން ދައްކައެވެ. އެގޮތުން މި އަހަރު މާރިޗް މަހު ފުލުހުންނަށް ޖުމްލަ 756 މައްސަލަ ހުށަހެޅިފައިވާއިރު، މިދިޔަ މާރޗް މަހު ފުލުހުންނަށް ހުށަހެޅިފައިވަނީ ޖުމްލަ 1150 މައްސަލައެވެ. 

މާރިޗު މަހު ފުލުހުންނަށް ހުށަހަޅާފައިވާ މައްސަލަތައް:

• ޓްރެފިކް އެކްސިޑެންޓްތަކުގެ 233 މައްސަލަ
• ވައްކަމުގެ 199 މައްސަލަ
• މަސްތުވާތަކެއްޗާ ގުޅޭ 123 މައްސަލަ
• އެއްޗެހި ގެއްލިގެން 51 މައްސަލަ
• މާރާމަރީގެ 38 މައްސަލަ
• މުދަލަށް ގެއްލުން ދިނުމުގެ 37 މައްސަލަ
• ޚިޔާނަތުގެ 21 މައްސަލަ
• ފޭރުމުގެ 18 މައްސަލަ
• ޖިންސީ ގޯނާ ކުރުމުގެ 14 މައްސަލަ
• ގެވެށި އަނިޔާގެ 20 މައްސަލަ
• ފޯޖް ކުރުމުގެ 3 މައްސަލަ

ރާއްޖޭގައި ޓްރެފިކް އެކްސިޑެންޓުތައް އިތުރުވަމުން އަންނައިރު، މި އެކްސިޓެންޑްތަކުގައި އެތައް ބަޔަކަށް ބޮޑެތި އަނިޔާތައް ލިބި، އެތައް ބައެއްގެ ފުރާނަވެސް ވަނީ ގެއްލިފައެވެ. ރާއްޖޭގެ ޓަރެފިކް މައްސަލަ ހައްލުކުރުމަށް  ޓްރެފިކް ގަވާއިދުތަކާއި، ޤާނޫނު ތަންފީޒުކުރުން ހަރުދަނާކުރުމުގެ މަސައްކަތްވެސް ސަރުކާރުން ގެންދަނީ ކުރަމުން ނެވެ.