މަޖިލިސް މެމްބަރުންގެ މުސާރައާއި ބައެއް އިނާޔަތްތައް ކުޑަކުރަން ގޮވާލާ އާންމުން ޕެޓިޝަނެއްގައި ސޮއިކުރަން ފެށުމާ ގުޅިގެން ރައްޔިތުންގެ މަޖިލީހުގެ މެޖޯރިޓީ ލީޑަރ އިބްރާހިމް ފަލާހް ކަންބޮޑުވުން ފާޅުކުރައްވައިފިއެވެ.

Advertisement

Advertisement

އިނގުރައިދޫ ދާއިރާގެ މެމްބަރު ފަލާހް ވިދާޅުވީ މަޖިލިސް މެމްބަރުންގެ މުސާރަ ކުޑަކުރުމުން އިންތިހާބަށް ނެގި ދަރަނި އަދާކުރުމަށް ދަތިވާނެކަމަށެވެ. މުސާރަ ކުޑަކުރުމަކީ ގޯސް ހިޔާލެއް ނޫންކަމަށާއި އެހެންނަމަވެސް އެކަން ކުރަންވާނީ ކުރިއަށް އޮތް ދައުރަށް ކަމަށްވެސް އޭނާ ވިދާޅުވިއެވެ. 

’އެތައް މިލިއަން ރުފިޔާއެއް ހަރަދުކޮށްގެން މަޖިލީހަށް ވަންނަތަނުން މުސާރަ ކުޑަކޮށްލުމުން އިންތިހާބަށް ނެގި ދަރަނި އަދާކުރާނެ ގޮތެއް ނޯންނާނެ.‘ ފަލާހް ވިދާޅުވިއެވެ. 

އިތުރަށް ފަލާހް ވިދާޅުވީ މުސާރަ ކޫޑަކުރާ ވާހަކަ ދައްކާއިރު ކުރީގެ ރައީސުންނަށް ދޭ އިނާޔަތްތަކާއި ފަނޑިޔާރުންގެ މުސާރައިގެ ވާހަކަވެސް ޕެޓިޝަންގައި ހިމެނުން މުހިންމުކަމަށެވެ. އަދި މެމްބަރުންގެ މުސާރަ އެއްލައްކަ ރުއިޔާއަށް ހަދަން 19 ވަނަ މަޖިލީހުން މަސައްކަތް ކޮށްފައިވާކަމަށާއި އެކަން ހުއްޓުވީ މިހާރުގެ ރައީސް ޑރ.މުހައްމަދު މުއިއްޒުގެ އިރުޝާދުގެ ދަށުންކަމަށް ފަލާސް ވިދާޅުވިއެވެ.