އިންދިރާ ގާންދީ މެމޯރިއަލް ހޮސްޕިޓަލް، އައިޖީއެމްއެޗް ގައި އަލަށް އިތުރުކުރާ 75 އެނދުގެ ވޯޑު މިއަންނަ މަހު ހުޅުވައި ބޭނުންކުރަން ފަށާނެކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.

Advertisement

Advertisement

"ރައްޔިތުންނާއެކު" ޕޮޑްކާސްޓުގެ 2 ވަނަ އެޕިސޯޑުގައި ވާހަކަފުޅުދައްކަވަމުން ރައީސް ވިދާޅުވެފައިވަނީ، އައިޖީއެމްއެޗްގެ ކުރީގެ އެޑްމިނިސްޓްރޭޓިވް ބްލޮކް ހުސްކޮށް އެތަނުގައި ވަނީ 75 އެނދުގެ ވޯޑެއް ގާއިމުކޮށްފައިކަމަށެވެ. އަދި މިއާއި އެކު އައިޖީއެމްއެޗްގައި ކުރިމަތިވެފައިވާ ޖާގައިގެ ދަތިކަމަށް ބޮޑު ހައްލެއް ލިބިގެންދާނެކަމަށް ވެސް ރައީސް ވަނީ ފާހަގަކުރައްވާފައެވެ.

މިގޮތުން، އަލަށް އިތުރުކުރާ ވޯޑުގައި، ޖެނެރަލް 40 އެނޑާއި، ހައި ޑިޕެންޑެންސީ ޔުނިޓުގެ 15 އެނދުގެ އިތުރުން ޕްރިވެޓް 14 ޔުނިޓު ހުންނާނެކަމަށް ވެސް ރައީސް ވަނީ ވިސާޅުވެފައެވެ. އައިޖީއެމްއެޗްގެ މިހާރުގެ ބެޑް ކެޕޭސިޓީއަކީ 350 އެނދު ކަމުގައި ވާއިރު ވެތުވެދިޔަ އަހަރުތަކުގައި ހޮސްޕިޓަލްތަކުގެ ބެޑް ކެޕޭސިޓީ އިތުރުކުރުމަށް އެދެވޭ މަސައްކަތްތަކެއް ކުރެވިފައި ނުވެއެވެ.

ރައީސް އިތުރަށް ވިދާޅުވެފައިވަނީ، ސިއްޙީ ނިޒާމު ހަރުދަނާކުރުމަށް ކުރަމުންދާ މަސައްކަތުގެ ތެރެއިން މިއަހަރުގެ ތެރޭގައި މާލެ ސަރަހައްދުގެ ހޮސްޕިޓަލްތަކުގައި ޖުމްލަ 117 އެނދު އިތުރުކުރުމަށް ސަރުކާރުން މަސައްކަތްކުރައްވަމުން އަންނަކަމަށެވެ. މިއާއެކު މާލެ ސަރަހައްދުގައި ޤާއިމުކުރެވިފައިވާ ސަރުކާރުގެ ހޮސްޕިޓަލްތަކުގެ އެނދުގެ ކެޕޭސިޓީ 433 އަށް އިތުރުވެގެންދާނެއެވެ.