އިނގިރޭސިވިލާތުގެ ލިވާޕޫލްގައި ކިޔަވާ ދަރިވަރުންނާ ބައްދަލުކުރައްވާ ވާހަކަ ދައްކަވަމުން ރައީސް ވަނީ އެކުދިންގެ ތަޖުރިބާތަކާއި ކިވެޔުން ކުރިއަށްދާ ގޮތާއި ގުޅޭގޮތުން މައުލޫމާތު އޮޅުއްފިލުއްވާފައެވެ. އަދި ދަރިވަރުންނަށް ކުރިމަތިވާ ދަތިތައް ހައްލުކޮށްދިނުމަށް ސަރުކާރުން ހާއްސަ ސަމާލުކަމެއް ދެއްވާނެކަމަށް ރައީސް ވިދާޅުވިއެވެ. 

އަދި ދަރިވަރުންނަށް ކުރިމަތިވާ ގޮންޖެހުންތައް ހައްލުކުރުމަށް ސަރުކާރުން އަޅަމުންދާ ފިޔަވަޅުތައް ރައީސް ދަރިވަރުންނާ ހިއްސާ ކުރެއްވިއެވެ. 

ދިވެހި ދަރިވަރުންނަށް ތައުލީމީ ރޮނގުން ލިބިފައިވާ ކާމިޔާބީ ތަކަށް ފަހުރުވެރިވާ ކަމަށާއި ދަރިވަރުންނާ ބައްދަލުވުމުން ހިތްޕުޅު ހަމަޖެހިވަޑައިގެންނެވި ކަމަށް އެމަނިކުފާނު ވިދާޅުވިކަމަށް ރައީސް އޮފީހުން ބުނެއެވެ.